● आयझॅक-न्यूटनची आई : (ज्यांनी सफरचंद खाली का पडते यावरून गुरुत्वाकर्षणाचा शोध लावला.) पण खायच्या आधी ते सफरचंद स्वच्छ धुतलंस तरी का??
● आर्किमिडीजची आई : (ज्यांनी पाण्यातील पदार्थाच्या वस्तुमानाचे तत्व सांगितले आणि एखादी गोष्ट साध्य केल्यावर त्यांना युरेका युरेका म्हणायची सवय होती. ) गाढवा ! रस्त्यावर नागडा पळत जायला लाज वाटली नाही का? आणि ही पोरगी, युरेका, आहे तरी कोण?
● एडिसनची आई : (ज्यांनी विजेच्या बलाचा शोध लावला.) अर्थात मला फार अभिमान वाटतो तुझा, इलेक्ट्रिक बल्बचा शोध लावल्याबद्दल. पण आता घालव तो दिवा आणि झोप मुकाट्यानं !
● जेम्स वॅटची आई : (ज्यांनी वाफेच्या इंजिनाचा शोध लावला.) सारखं झाकण उडताना आणि पडताना बघत राहिलास, तर तो भात करपेल की रे टोणग्या ! गॅस बंद कर आधी तो !
● ग्रॅहम बेलची आई : (ज्यांनी फोनचा शोध लावला.) ह्या डबड्याचा शोध लावलास ते ठीक. पण याद राख, पोरी बाळींनी रात्रीअपरात्री फोन केले तर मला चा ल णा र नाही!
● मोनालीसाची आई : (चित्रकाराने काढलेले पहिले महिला चित्र) तुझ्या दातांच्या क्लिपांवर इतका खर्च करून शेवटी असं मोजकंच हसलीस होय !
● गॅलेलियोची आई : (ज्यांनी दुर्बिणीचा शोध लावला) मेल्या ! तुझ्या त्या टेलेस्कोपचा उपयोगच काय, जर त्यातून माझं मिलानोमधलं माहेर दिसत नसेल तर??
● कोलंबसची आई : (ज्यांनी व्यापार करणेसाठी कायम जहाजातून समुद्राचा प्रवास केला आणि अमेरिका शोधून काढली.) कुठे ही जा, कितीही फिर, पण घरी एक चार ओळींचं पत्र खरडायला बिघडतं काय म्हणते मी?!
● मायकल अँजेलोची आई : (प्रसिद्ध चित्रकार होते) इतर पोरांसारखा भिंतीवर रेघोट्या मार रे. ते छतावरचे राडे साफ करायला कंबरडं मोडतंय की माझं !
● बिल गेट्सची आई : (ज्यांनी कॉम्पुटरचा शोध लावला.) दिवसभर त्या कॉम्प्युटरला चिकटून असतोस, हरकत नाही. पण अडल्ट साईट बघताना दिसलास तर माझ्याशी गाठ आहे, सांगून ठेवते.
● फॅरेनहाइटची आई : (ज्यांनी तापमान मोजायचे मशीन तयार केले.) त्या उकळत्या पाण्याशी खेळत बसलास तर मी चहा कधी टाकणार?!
आणि शेवटी..
● अलबर्ट आईनस्टाइनची आई : (ज्यांनी अणुबॉम्बचा शोध लावला आणि ज्यांचे केस कायम विस्कटलेले आणि लांब असायचे.) कॉलेजचा ग्रुप फोटो आहे बाळा. जरा डोक्याला स्टायलिंग जेल वगैरे काहीतरी लाव की!
कोणत्याही टिप्पण्या नाहीत:
टिप्पणी पोस्ट करा