Everything you love will probably be lost, but in the end, love will return in another way.
फ्रांत्स काफ्का हा 20 व्या शतकातील जर्मन भाषेतील एक प्रसिद्ध ज्यू झेक लेखक आणि कादंबरीकार.
एकदा बर्लिनमधील एका उद्यानातून चालत असताना काफ्काला एक लहान मुलगी दिसली. जी तिची आवडती बाहुली हरवल्यामुळे रडत होती. काफ्काने त्या मुलीला शांत करण्याचा प्रयत्न केला. दोघांनी मिळून त्या लहानगीच्या बाहुलीचा शोध ही घेतला. पण त्यांना ती बाहुली मिळाली नाही.
काफ्काने त्या मुलीला दुसऱ्या दिवशी पुन्हा तिथे भेटायला बोलावले. दुसऱ्या दिवशी, जेंव्हा काफ्फा तिथे आला तेंव्हा त्याच्या हातात एक पत्र होते. त्याने सांगितले की तो त्या मुलीच्या बाहुलीला भेटून आलाय. तिची बाहुली आता जग पाहण्यासाठी सहलीला गेलीय पण तीथून ती त्या मुलीसाठी दररोज एक पत्र पाठवणार आहे. त्याने सोबत आणलेल्या पत्रात ही तेच लिहले होते, त्या लहान मुलीचा काफ्कावर पूर्ण विश्वास बसला.
अशा प्रकारे काफ्का स्वतः एक एक पत्र लिहून रोज त्या मुलीला देवू लागला ज्यात त्या बाहुलीची प्रवास वर्णन आणि साहसाच्या कथा असत. ही गोंडस पत्र त्या लहान मुलीला खूपच आवडली. असेच कित्येक दिवस गेले आणि मग एक दिवस काफ्काने एक नविन बाहुली आणून त्या मुलीला दिली.
"ही तुझी जगप्रवासाला गेलेली बाहुली परत आलिये." त्याने त्या लहान मुलीला सांगितले.
"पण ही तर माझ्या बाहुलीसारखी अजिबात दिसत नाही," मुलगी म्हणाली.
काफ्काने तिला आणखी एक पत्र दिले ज्यामध्ये बाहुलीने लिहिले होते, "माझ्या जगप्रवासाने मला बदलून टाकले आहे." हे वाचून त्या लहान मुलीने आनंदाने त्या नवीन बाहुलीला मिठी मारली आणि तिला घरी आणले.
यानंतर एका वर्षाने काफ्काचा मृत्यू झाला.
बऱ्याच वर्षांनंतर, आता प्रौढ झालेल्या मुलीला बाहुलीच्या आत एक पत्र सापडले. काफ्काने स्वाक्षरी केलेल्या त्या छोट्या पत्रात लिहिले होते,
"तुम्हाला जे आवडते ते सर्व कदाचित हरवले जाईल पण शेवटी प्रेम दुसऱ्या मार्गाने परत येईल."
कोणत्याही टिप्पण्या नाहीत:
टिप्पणी पोस्ट करा