2358. आनंद भांडणात नाही

      बऱ्याचदा छोटी कार असेल आणि चुकून जर तिला two-wheeler ने धक्का दिला तर लगेच मारायला अंगावर येतात.. थार किंवा मोठ्या गाडी ला सोडून देतात.
माझी छोटीच गाडी आहे.
असाच एक लोकल भाई
टुव्हीलर वरुन उतरुन भररस्त्यात
माझ्यावर अगदी फिल्मी स्टाईल
धावून आला होता.
मी त्याला माझी चूक नसताना
जवळपास 15 ते 20 वेळा
sorry म्हणालो होतो.
कारण माझी कार नवी होती.
घरी माझे आई-वडील,पत्नी
आणि मुलं वाट पहात होती.
खूप रागातच तो दोन वेळा परत येऊन
परत निघून गेला होता.
त्याला मला मारायचेच होते.
मी तो जाईतोवर भररस्त्यात तसाच थांबलो होतो.
आजुबाजूनी लोकं पाहून निघून जात होती.
गाडीवर बसलेला तो
परत आला आणि म्हणाला...
"कुठे रहातो तू...?"
मी इथेच रहातो असे म्हणालो.
रोज ह्याच रोडवरुन जातो.
तुम्हाला आत्ता मला मारायचेच असेल तर
खुशाल मारा. पण मला रक्त नाही आलं पाहिजे.
कारण मला असे रक्तबंबाळ पाहून
माझे आई- वडील, पत्नी, दोन मुलं
खूप घाबरुन जातील.
असे म्हणून मी शेवटी कार मधून खाली उतरलो.
है सगळं ऐकून तो अगदी नरमून गेला
आणि मला घट्ठ मिठी मारुन
खूपवेळा sorry म्हणाला.
तुला कोणी त्रास दिला तर
आपल्याला काॅल कर. आपलं नाव सांग.
असं मला बोलला.
त्यावर मी त्याला म्हणालो..
माझ्यावर तुला बोलवायची अशी वेळ
येणारच नाही.
कारण अशा प्रसंगात
मी माझी चूक नसतानाही
शेवटपर्यंत sorry.च म्हणतो.
कारण लढायची आणि नडायची वेळ 
तेव्हाच येईल जेव्हा कोणी माझ्या कुटूंबावर
धावून येईल.
हे जे आपल्यात आहे ते क्षणिक आहे.
इथे sorry म्हणून कुटूंब गाठणे
ह्यालाच मी प्राधान्य देतो.
हे ऐकून तो निघून गेला.
जाताना त्याच्या चेहेऱ्यावर एक समाधान
आणि आनंद दिसत होता.

#आनंद भांडणात नाही