रोज शक्य होईल तेवढा थोडावेळ नामस्मरण केल्यावाचून राहू नकोस.
परमेश्वर पाहत आहे तुला, नामस्मरण मात्र विसरु नकोस. || धृ ||
तुझ्या वाटेत आडवे खूप येतील, पायात पाय घालून पाडतील.
त्यांना घाबरून तुझं, उभं राहणं सोडू नकोस.
परमेश्वर पाहत आहे तुला , नामस्मरण मात्र विसरु नकोस. ||1||
तुझं कौतुक प्रत्येकाला इथं, रुचेलच असं नाही.
कौतुकासाठी तुझं नांव, सूचेलच असं नाही.
तू मात्र इतरांचं कौतुक, करण्यास कचरु नकोस.
परमेश्वर पाहत आहे तुला, नामस्मरण मात्र विसरु नकोस. ||2||
तुलासुद्धा मन आहे, हे माहीत आहे मला.
पण परमेश्वर हृदयात, असताना काय रे कमी तुला.
इतरांना भरभरून देणं मात्र, कधी सोडू नकोस.
परमेश्वर पाहत आहे तुला, नामस्मरण मात्र विसरु नकोस. ||3||
रडावंसं वाटतं तेव्हां, रडून तू मोकळा हो.
कार्यासाठी लढावंसं वाटतं तेव्हां, लढून तू मोकळा हो.
रडण्यामध्ये मात्र तुझे, कार्य विसरू नकोस.
परमेश्वर पाहत आहे तुला, नामस्मरण मात्र विसरु नकोस. ||4||
तुझ्या कार्याचे कोणाला पुरावे, द्यायची गरज नाही.
कुणासाठी तुला कार्य, सोडायची गरज नाही.
परमेश्वर संकल्पासाठी पुढे, चालणं तू सोडू नकोस
परमेश्वर पाहत आहे तुला, नामस्मरण मात्र विसरु नकोस. ||5||
संकलन : श्री. अर्जुन कृष्णात पाटील
कोणत्याही टिप्पण्या नाहीत:
टिप्पणी पोस्ट करा