कोणीतरी विचारले मला परवा .
तुला राम हवा की कृष्ण हवा ?
तुला राम हवा की कृष्ण हवा ?
मी म्हणाले किती छान विचारला प्रश्न!
कधी मला पाहिजे राम तर कधी कृष्ण !
रामराया घालेल पोटात माझी चूक.
आणि कृष्ण भागवेल माझी भूक.
रात्रीची शांत झोप रामरायच देतो.
भूक लागली की मात्र कृष्ण च आठवतो !
भीती वाटली कशाचीही की मला आठवतो राम.
कष्टी दुःखी मन झाले की कृष्णाकडे च मिळतो आराम !
रक्षण कर सांगते मी रामरायालाच.
सुखी ठेव सांगते मी श्रीकृष्णालाच !
विवेक बुद्धीचा रामाशिवाय कोणाकडे मागवा ?
व्यवहारातील चतुरपणा मात्र कृष्णानीच शिकवावा !
सहनशक्ती दे रे माझ्या रामराया !
कृष्ण माझा बसलाय कर्माचे फळ द्याया .
वाटे मज रामाला फक्त शरण जावे .
कृष्णाशी मात्र मनसोक्त बोलावे भांडावे .
मागावी क्षमा रामाला अन
भीक मागावी कृष्णाला !
रामाला स्मरावे ...
कृष्णाला जगावे...
अभ्यास करताना प्रार्थना राजमणी रामाला.
पायावर उभे राहताना विनवणी कृष्णाला.
एकाचे दोन होताना घ्यावे रामाचे आशीर्वाद !
संसार करताना आवर्जून द्यावा श्रीकृष्णाला प्रसाद.
आरोग्य देणारा राम ..
सौंदर्य देणारा कृष्ण...
राज्य देणारा राम...
सेना देणारा कृष्ण...
बरोबर चूक सांगतो राम .
चांगले वाईट सांगणे कृष्णाचे काम !
रामाकडे मागावे आई वडिलांचे क्षेम.
कृष्णाकडे मागते मी मित्रांचे प्रेम.
नाव ठेवताना पाळण्यात गोविंद घ्या गोपाळ घ्या.
अंतिम वेळी मात्र फक्त रामनाम घ्या.
दोघांकडे मागावे तरी काय काय ?
हसत बघत माझ्याकडे ते म्हणतात,
अग आम्ही एकच
तु फसलीस की काय?
कोण हवा हा प्रश्नच नाही
मिळू दोघेही नाहीतर कोणीच नाही !
दडवून हळवेपण माझे मी म्हणाले ,
दोघेही रहा सोबत माझ्या,
नकोच आता हा प्रश्न !
कोण हवा आहे मला
राम का कृष्ण !
विचारले मला कुणी जरी.
कोण हवा आहे मला
राम का कृष्ण !
विचारले मला कुणी जरी.
म्हणेन फक्त मी
जय जय रामकृष्ण हरी !
जय जय रामकृष्ण हरी।
जय जय रामकृष्ण हरी !
जय जय रामकृष्ण हरी।
🙏🙏🙏🙏
कोणत्याही टिप्पण्या नाहीत:
टिप्पणी पोस्ट करा